වම්බටු මෝජු Brinjal Moju

         වම්බටු මෝජු

අවශ්‍ය ද්‍රව්‍ය

• වම්බටු 500g (තීරු කපා ගෙන ලුණු කහ මිශ්‍ර වතුරේ දමා ගන්න.)
• රතු ළූණු ගෙඩි හෝ බී ළූණු 200g
• අමුමිරිස් 100g
• අබරා ගත් කහ අබ විනාකිරි
• ලුණු
• උම්බලකඩ කැබලි 100g

සාදන ආකාරය

පළමුව කපා ගත් වම්බටු ගැබුරු තෙලේ රන්වන් පාට වනතුරු බැදගන්න.එය පසෙකින් තබන්න. 

ළූණු හා අමුමිරිස් වෙන වෙනම බැද තබන්න.

ඉන්පසු ඇතිලියක් ලිපතබා එයට ලුණු, විනාකිරි, කහ, උම්බලකඩ, අබ දමා එයට බැදගත් ළූණු, අමුමිරිස් හා බටු ටික දමන්න.

විනාඩි 5 ක්‌ පමණ මද ගින්නේ තබා බා ගන්න.

අවශ්‍යනම් සෑදීමේදී සීනි ස්වල්පයක් දමන්න.

සුළං හා වතුර නොවදින සේ වසා තබා ගන්න.

චෝප්සි chopsi

           චෝප්සි

අවශ්‍ය ද්‍රව්‍ය

• කොටුවට කපා ගත් කැරට් 100g 
• කොටුවට කපා ගත් අල 100g
• කුඩා කැබලි වලට කඩා ගත් බෝංචි
• කපාගත් බේබි කෝන්
• කොටුවට කපා ගත් පිපිඤ ඤ
• රතු හා කොළ බෙල් පේපර් කැබලි කිහිපයක්
• තලා ගත් ඉගුරු සුදු ළූණු
• ඕයීසට සෝස් තේ හැදි 1
• කෝන් පිටි තේ හැදි 1

සාදන ආකාරය

වතුර ටිකක් ලිප තබා උතුරන විට ලුණු ස්වල්පයක් හා සීනි ස්වල්පයක්‌ එක්‌ කරන්න.

එයට කැරට්, අල හා බෝංචි දමා වතුර හොදින් නටන විට එළවලු කැබලි ටික පෙරා වතුර වෙනමත් එළවලු වෙනමත් තබන්න.තෙල් ටිකක් ලිප තබා රත් වනවිට ඉගුරු, සුදු ළූණු දමා රන්වන් පැහැ වනතුරු බැදගෙන කලින් පෙරා ගත් වතුර ටිකක් මෙයට දමන්න.එයට සීනි මේස හැදි 1 ක්‌ දමා හැදි ගාන්න.

ඉන්පසු ඔයිස්ට සෝස් දමා කැටි නොවන තුරු හැදි ගාන්න.කෝන් පිටි මේස හැදි 2 ක්‌ ඇල් වතුර ස්වල්පයක දිය කර එයද බජනයට දමා දිය කරන්න.එවිට උකු මිශ්‍රණයක්‌ ලැබේ.

ඉන්පසු මෙයට තම්බා නොගත් එළවලු ටික දමා හැදි ගාන්න.දැන් මෙයට තම්බා ගත් ඉතුරු එළවලු ටිකක් දමා මිශ්‍ර කරන්න ගන්න.

අවසානයේ ගම්මිරිස් කුඩු ටිකක් උඩින් ඉස කෑමට ගන්න.

ගාලික් රයිස්

 ගාලික්‌ රයිස්

• අවශ්‍ය ද්‍රව්‍ය
• බාසමතී බත්
• බිත්තර 2
• ගා ගත් සුදු ළූණු බික්
•  2,3ක්‌
• ගා ගත් ඉගුරු
• සෝයා සෝස්
• තෙල්
• ලුණු
• ගම්මිරිස් කුඩු
• රතු පාට අමු මිරිස් කරල් 2,3 ක්‌

සාදන ආකාරය

 පළමුව පෑන් එකක් ලිප තබා  එයට තෙල් ටිකක් දමා ගෙන එය රත් වූ පසුව බිත්තරයක් දමා ගෙන එයා කෑලි කැඩෙන තුරු හැන්දෙන් හැදි ගාන්න.

පසුව එයට ගා ගත් ඉගුරු සුදු ළූණු දමාගෙන හොදින් මිශ්‍ර කරන්න.

පසුව එයට රතු පාට මිරිස් කරල් කුඩා කෑලි කපා එකතු කරගෙන එයා මිශ්‍ර කරගෙන  පසුව එයට බත් එකතු  කරන්න.

සෝයා සෝස් ටිකක් ද එකතු කරන්න.

පසුව අවසානයේ ලුණු ගම්මිරිස් කුඩු එකතු කරන්න ලිපෙන් බා ගන්න.

කේරල ක්‍රමයට කුකුල් මස්

              කේරල ක්‍රමයට කුකුල් මස්

අවශ්‍ය ද්‍රව්‍ය

• කුකුල් මස් 500g
• තෙල් තේ හැදි 1
• ළූණු ගෙඩි 1
• සුදු ළූණු ගෙඩි 1
• අමු මිරිස් 2,3 ක්‌
• කොත්තමල්ලි කුඩු තේ හැදි 2
• මිරිස් කුඩු තේ හැදි  2
• කහ කුඩු තේ හැදි 1/2
• ගරම් මසාල තේ  හැදි 2
• පොල් කිරි 300 ml
• සූදුරු තේ හැදි 1/2
• රම්පෙ, කරපිංචා
• ලුණු
• ගම්මිරිස්

සාදන ක්‍රමය

තෙල් බාජනයකට  දමා රත් කරන්න.එයට ළූණු සුදු ළූණු දමා විනාඩි කිහිපයක් තෙම්පරාදු කරන්න.

ඉන්පසු අනෙකුත් සියලු දෑ එකතු කරන්න හොදින් කලවම් කරන්න.

ඉන්පසු කුකුල් මස් බාජනයකට දමා එයට ගරම් මසාල එකතු කරන්න.

දැන් පොල් කිරි එකතු කරන්න විනාඩි 15 ක්‌ පමණ පිස ගන්න.

ඉන්පසු මද ගින්නේ තව විනාඩි 15 ක්‌ පමණ තම්බා ගන්න.

අවසානයේ කොත්තමල්ලි එකතු කරන්න පිළිගන්වන්න.

අල පරාට potato paratha

         අල පරාට

අවශ්‍ය ද්‍රව්‍ය

• පාන් පිටි 750 g
• අල 500 g
• මාගරින් 50g
• ලුණු ටිකක්
• පොල් තෙල් අවශ්‍ය පමණ

සාදන ආකාරය

අල හොදින් තම්බා ගන්න.හොදට පොඩි කර ගන්න.දැන් පිටි වලට මාගරින්, ලුණු එකතු කර ගන්න.දැන් මෙයට පොඩි කර ගත් අල එකතු කරගෙන හොදින් මිශ්‍ර කරන්න. පොල් තෙල් ටික ටික දමා හොදින් අනන්න.

පසුව සොෆ්ට් එකට එනවිට කුඩා බෝල කඩා විනාඩි 15 ක්‌ තබන්න.

දැන් මේ බෝල රොටී ආකාරයට තුනී කර දෙපැත්ත පුලුස්සා ගන්න.

දර ලිපේ කිබුලා බනිස්

       දර ලිපේ කිබුලා බනිස්

අවශ්‍ය ද්‍රව්‍ය

• පිටි 300g 
• ලුණු තේ හැදි 1/2
• යීස්ට් මේස හැදි 1
• මද රස්නේ වතුර කෝප්ප 1/2
• සීනි  තේ හැදි 1 1/2
• සීනි සිරප් එකට සීනි මේස හැදි 2
• වතුර කෝප්ප 1/2

සාදන ආකාරය

වතුර කෝප්ප 1/2 ට යීස්ට්ද,සීනි මා කලවම් කර විනාඩි 10 ක්‌ පසෙකින් තබන්න.

දැන් පිටි වලට එයා දමා ලුණු, බටර් දමා මිශ්‍ර කරගෙන. හොදින් කලවම් කරන්න.

වතුර මේස  හැදි 4 ක්‌ බැගින් දමමින් හොදින් විනාඩි 10 ක්‌ පමණ  අනා  ගන්න.

දැන් මෙය බජනයකට දමා පොල්තෙල් ටිකක් ගා ඩබල් සයිස් එනතුරු පසෙකින් පිපෙන තුරු තබන්න.

දැන් සීනි සිරප් එකක් හදමු.

වතුර කෝප්ප 1/2 ට සීනි මේස හැදි 2 ක්‌ දමා උණු කරන්න. ඇලෙන ගතිය එනවිට ලිප නිවා වෙනත්  බාජනයකට සීනි සිරප් එක දමා නිවෙන්න තබන්න.

දැන් සාදා ගත් මිශ්‍රණය ගෙන කුඩා කැබලි වලට කඩා ගෙන මැදින් මහතට සිටින සේ දෙපැත්තට රෝල්ල් කරන්න. දැන් හරි මැදින් කපා  දෙකට වෙන් කරන්න.

එය ත්‍රිකෝණයක් ආකාරයට තුනී කරගෙන පලල වැඩි පැත්තෙන් රෝල් කරගෙන  පළල අඩු පැත්ත  උඩට සිටින  සේ රෝල් කරගෙන කිබුලා බනිස් සාදා ගන්න.

ඉන්පසු සීනි  සිරප් ඒ මත  ගා ගෙන සීනි තවරා ගන්න. තැටිය මතට තෙල් ගා  ගෙන කිබුලා බනිස් අතුරා  ගන්න.

දැන් ලිප සාදමු.

ඇලුමිනියම් බාජනයක් ගෙන එයට වැලි බාගයක් දමා ගෙන යකඩ දරනුවක් ඒ මත  තබා ගෙන බාජනයේ පියන වසා ගින්දර දමන්න.

දැන් බනිස් තැටිය ගෙන දරනුව උඩින් තබා උඩින් යකඩ පියනක්  තබා ඒ මතට  ගිනි අගුරු දමා ගෙන විනාඩි 20 ක්‌ පුළුස්සා ගන්න.

සැර මුරුක්කු spicy murukku

         සැර මුරුක්කු

අවශ්‍ය ද්‍රව්‍ය

• හාල් පිටි කෝප්ප 1
• කඩල පිටි කෝප්ප 1
• මිරිස් කුඩු මේස හැදි 1
• සුදු ළූණු කුඩු හෝ පේස්ට් තේ  හැදි 1
• බටර් මේස හැදි 1
• සූදුරු තේ හැදි 1
• තල ඇට තේ හැදි 1
• බැද ගැනීමට තෙල්
• කහ කුඩු තේ  හැදි 1/2
• වතුර

සාදන ආකාරය

ඉහත සදහන් සියල්ල බාජනයකට දමා හොදින් මිශ්‍ර කරන්න. රොටී පදමට. දැන් මුරුක්කු වංගෙඩියෙන් පිගානකට මිරිකා ගන්න. ඉන්පසු ගැබුරු තෙලේ රන්වන් පාට වනතුරු බැද ගෙන මිරිස් කුඩු හා ලුණු කුඩු දමා ගෙන කෑමට ගන්න.

පොල් කිරි අලුවා coconut milk aluwa

 පොල් කිරි අලුවා

අවශ්‍ය ද්‍රව්‍ය

• පොල් කිරි 400 ml
• සීනි  200g
• එනසාල්  ඇට 7
• තල ඇට ටිකක්
• බැදගත් කජු ටිකක්
• හාල් පිටි 350g

සාදන ක්‍රමය

හාල් පිටි හොදින් බැදගන්න. එයින් ටිකක් අයින් කර ගන්න.තල  ඇට කබලේ බැදගන්න. සීනි හා එනසාල් දමා හොදින් බ්ලෙන්ඩ් කර ගන්න.

දැන් බාජනයක් ලිපේ තියා එයට පොල් කිරි, සීනි, එනසාල් එකතු කර හොදින් හැදි ගාන්න. හොදින් රත් වී බුබුළු නගින විට හැන්දකින් මිශ්‍රණය උඩට ගෙන බලන්න. නූල් ඇදෙන පදම ඇවිත් තියේද කියලා.

දැන් තල හා කජු එකතු කර ලිප නිවා හාල් පිටි ටික ටික එකතු කර හොදින් කලවම් කරන්න. දැන් එකක් ගුලියට හැදුනු පසුව ලෑල්ලක තබා පිටි ඉස කෑලි කපා ගන්න.

උදු වළලු udu walalu

        උදු වළලු

අවශ්‍ය ද්‍රව්‍ය

• උදු පිටි 200g
• සුදු හාල් පිටි 200 g
• පොල් කිරි කෝප්ප 2
• පොල් ගෙඩියක වතුර
• ලුණු තේ හැදි 1
• සීනි මේස හැදි 1
• සීනි සිරප් එකට සීනි 400 g
• දෙහි යුෂ 

සාදන ආකාරය

 පළමුව මේ සියල්ල එකට දමා මිශ්‍රණය සාදා පැය 6 ක්‌ පමණ පිපෙන්න තබන්න.

ඉන්පසු සීනි සිරප් එක සාදා ගනිමු. ඒ සදහා සීනි, වතුර, දෙහි යුෂ  දමා සිරප් එකක් සාදා ගන්න.

දැන් පැය 6 න් පසුව පයිපින් බෑග් එකෙන් රත් වූ තෙලට දමා බැදගෙන උණු උණුවෙම සීනි සිරප් එකට දමා ගන්න.

       Udu walalu

Ingredients

• Udu flour 200g
• White rice flour  200g
• Coconut milk 2 cups
• Coconut water
• Salt 1 tea spoon
• Sugar 1 table spoon
• For sugar syrup sugar 400g
• Lime
• Water

Now you have to mix all Ingredients. And then keep aside for 6 hours.

Now make sugar syrup.mix Sugar, lime juice and water Cook for medium flame.  Keep aside for cool.

Now take flour mixture and fry it with piping bag untill golden brown.

And put it in sugar syrup.

පොල් කේක් coconut cake

       පොල් කේක්

අවශ්‍ය ද්‍රව්‍ය

• පොල් ගෙඩි 1හමාරක ගා ගත් පොල්
• පැණි බෝතල් 1/2
• ලොකු බිත්තර 4
• කපාගත් කජු මද 50g
• කපා ගත් රට ඉදි 50 g
• පිටි 200 g
• සීනි 100g
• බේකින් පව්ඩර් තේ හැදි 2
• බේකින් සෝඩා තේ හැදි 1
• එනසාල්  හා කරාබුනැටි  කුඩු කරගෙන ස්වල්පයක්
• ලුණු ටිකක්

සාදන ක්‍රමය

  සීනි වලට සුවද  කුඩු හා ලුණු එකතු කර පොල් දමා සාමාන්‍ය  පැණි පොල් සාදා ගන්න.එයට  වලට  බාගෙට ටිකක්  දමා හොදින් නිවෙන්න හරින්න.

දැන් බිත්තර ටික ගෙන බීට් කර ගන්න. පිටි වලට බේකින් පව්ඩර් හා බේකින් සෝඩා දමා හලාගන්න.කපාගත කජු හා රට ඉදි මිශ්‍ර කර වෙන බාජනයකට දමා ගෙන එයට ගසා ගත්  බිත්තර පිටි මිශ්‍රණය ට ටික ටික දමමින් කලවම් කරගෙන නිවෙන්න තැබූ පැණි පොල් ටික දමා කලවම් කර ගන්න.

පසුව කලින් සකසා ගත් බේකින් ට්‍රේ එකකට දමා  සෙන්ට්‍රිග්‍රේට් අංශක 180/200 ත් අතර කලින් රත් කර ගත් උදුනක බේක් කර ගන්න.

යෝගට් ඇපල් මිශ්‍ර මෆින්

       යෝගට් ඇපල් මිශ්‍ර මෆින්

අවශ්‍ය ද්‍රව්‍ය

• යෝගට් එකක්
• ඇපල් 350g
• බටර් 125 g
• සීනි 100g
• බිත්තර 3
• කිරි 50ml
• පිටි 200g
• බේකින් පව්ඩර් 15g
• ලුණු ස්වල්පයක

සාදන අන්දම

ඇපල් හොදින් පොතුහැර පුංචි කැබලි වලට කපා ගන්න.

බේකින් පව්ඩර් දමා පිටි හොදින් හලා ගන්න. බටර්, සීනි, බිත්තර මේ සියල්ල හොදින් බීට් කරන්න. මෙය විනාඩි 8 ත් 10 ත් අතර බීට් උනහම ඇති. එයාට යෝගට් එක එකතු කරන්න. මෙයට කිරිද එකතු කර හලාගත් පිටි හා බේකින් පව්ඩර් එකතු කරගන්න. දැන් එයට ලුණු ස්වල්පයක් එකතු ක ඇපල් එකතු කරන්න. දැන් මෙය හොදින් මිශ්‍ර කරගන්න.සකසා ගත් මෆින් ට්‍රේ එකකට  පිරෙන්න ටිකක් අඩුවට  දමා එයා අංශක 180 උෂ්ණත්වයේ විනාඩි 20/25 අතර පුච්චා ගන්න.දැන් මෙය කෑමට සූදානම්.

පොලොස් පිට්ටු

             පොලොස් පිට්ටු

අවශ්‍ය  ද්‍රව්‍ය

• ලපටි පොලොස් ගැට 1ක්‌
• පොල් බෑ 1ක්‌
• ලීක්ස් ගස් 1ක්‌
• තක්කාලි 50 g
• අමුමිරිස් කරල් 4ක්‌ 5ක්‌
• කරපිංචා ඉත්තක්
• හාල් පිටි හුන්ඩුවක්
• ලුණු

සාදන ක්‍රමය

පළමුව පොලොස් ගැට හොදින් තම්බා ගන්න. ඉන්පසු එම පොලොස් ටික හොදින් පොඩි කර ගන්න. එයාට හාල් පිටි, ගා ගත්අ පොල්, අමු මිරිස්, ලීක්ස්,තක්කාලි එකතු කර අනාගෙන පිට්ටු ලෙස සාදා ගෙන හුමලයේ තම්බා ගන්න. 

කොස් මදුළු මුරුක්කු

             කොස් මදුළු මුරුක්කු 

 අවශ්‍ය ද්‍රව්‍ය

හොදින් පැසුණු කොස් මදුළු 25ක්‌

මිරිස් කුඩු

ලුණු කුඩු

කහ කුඩු

පොල්තෙල් බාගයක්

සාදන ක්‍රමය

කොස් මදුළු සිහින්ව ඉරාගෙන සෝදා දිය බේරෙන්නට තබන්න. දිය බේරුණු පසු කොස් මදුළු වලට කහ සහ ලුණු අතගාල මිනිත්තු 15ක්‌ පමණ තබන්න. මෙසේ සකස් කර ගත් කොස් මදුළු ගැබුරු තෙලේ බැදගෙන මිරිස් කුඩු මිශ්‍ර කරගන්න.